Sóldögg (Drosera rotundifolia) © Erling Ólafsson

Fréttir

Lirfa birkifeta étur bláberjalyng

Birkifeti skaðar bláberjalyng - 26.8.2013

Undanfarin sumur hefur birkifeti gengið hart að bláberjalyngi víða á norðan- og norðvestanverðu landinu, svo hart að hann hefur étið upp allt hold laufblaðanna og skilið við lyngbrekkur sölnaðar yfir að líta. Við slíkar hamfarir verður berjaspretta lítil sem engin. Því hefur verið fleygt fram í fjölmiðlafréttum að nú sé betri tíð án birkifeta. Er það svo?

Lesa meira
Folaflugur leggja drög að fjölgun í Vestmannaeyjum

Folaflugusprengja! - 23.8.2013

Risastórar hrossaflugur vekja á sér athygli þessa dagana á húsveggjum á höfuðborgarsvæðinu og víðar. Þetta er svokölluð folafluga. Hún er miklum mun stærri en þær sem við áttum að venjast fram að því að hún birtist hér á landi undir aldamótin síðustu, þá fyrst í Hveragerði. Frá því að hún sást fyrst í höfuðborginni 2010 hefur henni fjölgað með ári hverju og virkilega náð að springa út í sumar. Auk þess er hún að færa út kvíarnar.

Lesa meira
Toppasteinbrjótar gróðursettir á Vaðlaheiði

Vísindatilraun á Vaðlaheiði - 20.8.2013

Á Vaðlaheiði fer nú fram rannsókn á aðlögunarhæfni toppasteinbrjóts á vegum Náttúrugripasafns Lúxemborgar. Náttúrufræðistofnun Íslands kemur að verkefninu.

Lesa meira
Pardussnigill

Er pardussnigillinn í okkar liði? - 13.8.2013

Sniglar verða seint taldir til þokkafyllri smádýra. Mörgum finnst eitthvað fráhrindandi við þessa slímugu skemmdarvarga nema þeir skreyti sig með fallegum kuðungi. Kuðungur bætir í það minnsta ímynd útlitsins. Um þessar mundir er gósentíð sniglanna í görðum okkar og er því ekki úr vegi að velta þeim aðeins fyrir sér. Pardussnigillinn stóri er einn nýju landnemanna. Sennilega eigum við þar hauk í horni.

Lesa meira
Surtseyjargos í febrúar 1964

Surtsey 50 ára: Alþjóðleg vísindaráðstefna 12.-15. ágúst í Reykjavík - 12.8.2013

Dagana 12.-15. ágúst verður haldin í Reykjavík 50 ára afmælis- og vísindaráðstefna Surtseyjar. Það er Surtseyjarfélagið sem stendur að ráðstefnunni ásamt Náttúrufræðistofnun Íslands, Hafrannsóknastofnun, Jarðvísindastofnun Háskólans, Landbúnaðarháskóla Íslands, Umhverfisstofnun, Náttúrustofu Suðurlands og Rannís. Ráðstefnan verður haldin á Hótel Hilton Nordica að Suðurlandsbraut 2, Reykjavík.

Lesa meira
Nýútsprungið gras við Glæsibæ 16.8.2012

Frjótölur í Garðabæ með hærra móti það sem af er sumri - 12.8.2013

Í Garðabæ reyndist heildarfjöldi frjókorna í júlí vera talsvert meiri en árin 2011 og 2012. Á Akureyri var heildarfjöldi frjókorna í júlí í meðallagi en fjöldi grasfrjóa var aðeins undir meðallagi. Búast má við því að ágúst verði aðal grasmánuðurinn á Akureyri.
Lesa meira
Móbergið í Austurbunka var einstaklega fallegt í rigningaveðrinu

Surtseyjarleiðangrar Náttúrufræðistofnunar Íslands 2013 - 8.8.2013

Nýafstaðnir eru sumarleiðangrar líffræðinga og jarðfræðinga Náttúrufræðistofnunar Íslands til Surtseyjar en þeir voru skipulagðir í samvinnu við Surtseyjarfélagið, Landbúnaðarháskóla Íslands, Jarðvísindastofnun Háskóla Íslands, Umhverfisstofnun, Veðurstofu Íslands og Íslenskar Orkurannsóknir. Einnig tóku þátt í leiðöngrunum nokkrir erlendir vísindamenn og háskólanemar sem vinna að rannsóknaverkefnum er tengjast Surtsey. Líffræðingar dvöldu í eynni 15. – 18. júlí en jarðfræðingar 18. – 23. júlí.

Lesa meira