Þórsmerkurrani 3. júní 2010, öskufall. © Kristján Jónasson

Fréttir

Geirfugl - (Pinguinus impennis)

Saga geirfuglsins á Hrafnaþingi - 29.4.2011

Uppsett eintak af geirfugli er varðveitt á Náttúrufræðistofnun Íslands. Geirfuglar voru feitir og pattaralegir svartfuglar og skyldastir álku. Heimkynni þeirra voru beggja vegna Atlantshafs og urpu þeir einkum á afskekktum og fremur lágum úthafseyjum. Geirfuglar voru eftirsóttir vegna kjöts, fiðurs og fitu sem sjómenn notuðu sem ljósmeti og var þeim útrýmt með skefjalausri veiði. Lesa meira
10 x 10 m permanently-marked grid

Áhrif loftslagsbreytinga á heimskautagróðurfar - 26.4.2011

Hlýnun jarðar er hvað hröðust á norðurhveli jarðar. Í fyrirlestri sem Akureyrarsetur Náttúrufræðistofnunar Íslands býður upp á í Háskólanum á Akureyri verður fjallað um áhrif hlýnunarinnar á heimskautagróðurlendi og þær rannsóknaraðferðir sem notaðar eru. Erindið verður haldið fimmtudaginn 28. apríl kl. 12:10 í stofu M101 í Miðborg (nýbygging HA).

Lesa meira
Kápa af bókinni Late Cainozoic floras of Iceland

Ný bók um rannsóknir á plöntuleifum úr íslenskum jarðlögum - 20.4.2011

Bókin er afrakstur rannsókna á plöntuleifum úr jarðlögum, kortlagningu þeirra og aldursgreiningar, auk samanburðarannsókna við aðrar steingerðar og núlifandi tegundir og lýsingu á frjókornum. Friðgeir Grímsson, einn höfunda, nýtti vísindasafn steingervinga á Náttúrufræðistofnun til rannsóknanna og var hann jafnframt starfsmaður stofnunarinnar.

Lesa meira
Vinnustofa í fjarkönnun apríl 2011

Vinnustofa í fjarkönnun - 18.4.2011

Þann 7. - 8. apríl s.l. var haldin tveggja daga vinnustofa í fjarkönnun á Náttúrufræðistofnun Íslands. Leiðbeinandi var Dr. Martha Raynolds frá háskólanum í Fairbanks í Alaska. Martha hefur á undanförnum árum unnið að rannsóknum og kortlagningu á gróðri á norðurheimsskautssvæðum.

Lesa meira
Rjúpa - aldursgreining

Heilbrigði rjúpunnar á Hrafnaþingi - 15.4.2011

Rannsóknir fara nú fram á tengslum heilbrigðis við stofnbreytingar íslensku rjúpunnar en rannsaka á í a.m.k. tíu ár nokkra þætti sem endurspegla heilbrigði hennar, þ.e. holdarfar, sjúkdómsvalda, virkni ónæmiskerfis og fitukirtils og streituástand. Meginspurningarnar eru hvort tengsl séu á milli heilbrigðis rjúpunnar og stofnbreytinga, og einnig hver séu innbyrðis tengsl þeirra þátta sem lýsa heilbrigði rjúpunnar.

Lesa meira
Fíflalús - Uroleucon taraxaci

Breytingar eiga sér stað á lífríki landsins okkar - 12.4.2011

Um þessar mundir verðum við vitni að umtalsverðum breytingum á lífríki Íslands. Talið er að hlýnandi loftslag eigi ríkan þátt í því ásamt ýmsum breytingum sem orðið hafa á högum og athöfnum okkar mannanna. Breytingar hafa orðið á búskaparháttum og landnýtingu með minnkandi beitarálagi búsmala því samfara. Minnkandi sauðfjárbeit sem dæmi hefur heilmikil keðjuverkandi áhrif á lífríkið almennt samfara hlýnandi loftslagi.

Lesa meira
Auðkenni Náttúrufræðistofnunar Íslands (IS), prentupplausn, 300 punktar.

Ársfundur Náttúrufræðistofnunar Íslands 2011 - 5.4.2011

Ársfundur Náttúrufræðistofnunar var haldinn í 18. sinn föstudaginn 1. apríl s.l. í húsnæði stofnunarinnar að Urriðaholtsstræti í Garðabæ. Fundurinn var vel sóttur og voru haldin mörg athyglisverð erindi um ýmis verkefni sem unnið hefur verið að á stofnuninni, þ. á m. um myndun útfellinga í Eyjafjallagosunum, vöktun frjókorna í lofti, vöktun fiðrilda og aðgerðir gegn ágengum tegundum. Sagt var frá hugmyndum um framsetningu gagna stofnunarinnar til almennings og atburðarásinni við strand og verkun á steypireyðinni, sem strandaði á Skaga s.l. sumar, var lýst.

Lesa meira
Open-topped chamber

Áhrif loftslagbreytinga á heimskautagróðurlendi á Hrafnaþingi - 4.4.2011

Hlýnun jarðar er hvað hröðust á norðurhveli jarðar. Í fyrirlestri á Hrafnaþingi verður fjallað um áhrif hlýnunarinnar á heimskautagróðurlendi og þær rannsóknaraðferðir sem notaðar eru.

Lesa meira