Tungnaá við Svartakrók. © Kristján Jónasson

Fréttir

Arfleifð Darwins

Arfleifð Darwins: þróunarfræði, náttúra og menning - 30.9.2010

Bókin Arfleifð Darwins: þróunarfræði, náttúra og menning kemur út nú um mánaðamótin. Bókin er gefin út til að minnast þess að árið 2009 voru 200 ár frá fæðingu Charles Darwin og 150 ár síðan hann gaf út tímamótarit sitt Uppruni tegundanna.

Lesa meira
Vísindavaka 2010 - Kóngasvarmi

Fiðrildi á Vísindavöku 2010 - 29.9.2010

Mörg hundruð manns sóttu bás Náttúrufræðistofnunar Íslands á Vísindavöku í lok september. Yfirskrift sýningarinnar var Á vængjum fögrum - Fiðrildi og var þar kynning á fiðrildum á Íslandi, bæði íslenskum fiðrildum og fiðrildum sem eru slæðingar eða flækingar - berast til landsins með vindum eða varningi. Kynnt var verkefni um vöktun fiðrilda sem staðið hefur yfir hjá Náttúrufræðistofnun frá því á árinu 1995. Hægt var að skoða ýmis fiðrildi á staðnum, stór sem smá, innlend jafnt sem erlend. Ýmislegt var í boði fyrir börnin og skordýrafræðingur stofnunarinnar, Erling Ólafsson, var á staðnum til að svara spurningum gesta.

Lesa meira
Skollaber

Nýir fundarstaðir skollabers og rauðberjalyngs - 27.9.2010

Staðfestur hefur verið nýr fundarstaður skollabers Cornus suecica í landi jarðarinnar Keldulands á Skaga. Rauðberjalyng Vaccinium vitis-idaea fannst síðan í byrjun september á Langanesströnd, sem er nýr fundarstaður þess.

Lesa meira
Þistilfiðrildi - Vanessa cardui

Náttúrufræðistofnun Íslands tekur þátt í Vísindavöku - 21.9.2010

Náttúrufræðistofnun Íslands tekur þátt í Vísindavöku Rannís nk. föstudag, 24. september. Yfirskrift sýningarinnar er Á vængjum fögrum - Fiðrildi og verður þar kynning á fiðrildum á Íslandi, bæði íslenskum fiðrildum og fiðrildum sem eru slæðingar eða flækingar - berast til landsins með vindum eða varningi. Kynnt verður verkefni um vöktun fiðrilda sem staðið hefur yfir hjá Náttúrufræðistofnun frá því á árinu 1995. Hægt verður að skoða ýmis fiðrildi á staðnum, stór sem smá, innlend jafnt sem erlend. Ýmislegt verður í boði fyrir börnin og skordýrafræðingur stofnunarinnar, Erling Ólafsson, verður á staðnum til að svara spurningum gesta. Lesa meira
Kría á flugi

Fyrsta alheimsráðstefnan um sjófugla haldin í Kanada - starfsmaður Náttúrufræðistofnunar hlaut verðlaun fyrir veggspjald - 20.9.2010

Fyrsta alheimsráðstefnan um sjófugla var haldin í Victoria í Kanada fyrr í þessum mánuði. Freydís Vigfúsdóttir, líffræðingur hjá Náttúrufræðistofnun og doktorsnemi við University of East Anglia í Bretlandi, hlaut verðlaun fyrir veggspjald sitt þar sem fjallað er um rannsóknir á íslensku kríunni.

Lesa meira
Aðmírálsfiðrildi - Vanessa atalanta

Fiðrildi berast á þöndum vængjum til landsins - 15.9.2010

Ekkert varð vart við flækingsfiðrildi á landinu okkar í sumar enda veðurblíða einstök og ekki veður til hrakninga. Það var ekki fyrr en nú viku af september að til tíðinda bar. Fiðrildi af ýmsum tegundum tóku þá að berast til landsins með hlýjum loftstraumum, e.t.v. langt úr suðri komin.

Lesa meira
David Sloan Wilson

Heimsþekktur þróunarfræðingur á málþingi um þróun menningar og framtíð Íslands - 14.9.2010

Hinn virti þróunarfræðingur dr. David Sloan Wilson flytur aðalfyrirlestur á málþinginu Þróun menningar og framtíð Íslands sem haldið verður í fyrirlestrasal Þjóðminjasafnsins miðvikudaginn 15. september kl. 12:10-15:00. Á málþinginu verður fjallað um menningu og mannlegt samfélag út frá kenningum Darwins og þróunarfræði og hefst það með hádegisfyrirlestri Wilsons.

Lesa meira
Steypireyður í landi Ásbúða á Skaga

Steypireyðurin komin suður yfir heiðar - 14.9.2010

Eftir að steypireyði rak á land í lok ágúst í landi Ásbúða á Skaga var vinna hafin við að hreinsa holdið af beinum hennar með aðstoð gröfu og heimamanna undir stjórn Þorvaldar Björnssonar hamskera hjá Náttúrufræðistofnun. Nú er beinagrindin komin suður yfir heiðar.

Lesa meira
Hálíngresi í blóma

Frjómælingar í Reykjavík og á Akureyri í ágúst 2010 - 10.9.2010

Í heild var frjófjöldi vel undir meðaltali í ágúst bæði á Akureyri og í Reykjavík en í Reykjavík reyndist heildarfjöldi frjókorna sá næst lægsti í 23 ár. Lesa meira
Steypireyður í landi Ásbúða á Skaga

Steypireyður verður varðveitt á Náttúrufræðistofnun - 3.9.2010

Sá einstaki atburður átti sér stað í síðustu viku að steypireyði rak á land í landi Ásbúða á Skaga en heila steypireyði hefur afar sjaldan rekið hér á land. Engin beinagrind er til af steypireyði í landinu og örfáar til í heiminum og er rannsókna-, sýninga- og fræðslugildi því verulegt. Lesa meira