Móberg við Tungnaá. © Anette Th. Meier

Fréttir

Auðkenni Náttúrufræðistofnunar Íslands (IS), prentupplausn, 300 punktar.

Ársfundur Náttúrufræðistofnunar Íslands 2010 - 25.3.2010

Ársfundur Náttúrufræðistofnunar var haldinn í 17. sinn föstudaginn 19. mars síðastliðinn í Þjóðmenningarhúsinu að Hverfisgötu. Fundurinn var mjög vel sóttur en meginþema hans var kynning á vistgerðarannsóknum og verðmæti þeirra, verndargildi eldvirkra svæða á Íslandi og líffræðileg fjölbreytni bæði í fungu landsins sem og sjávarbotni.

Lesa meira
Gos á Fimmvörðuhálsi (22. mars 2010 kl. 18:58)

Eyjafjallajökull - Eldvirkni á Fimmvörðuhálsi á nútíma - 23.3.2010

Eldgos hófst á norðanverðum Fimmvörðuhálsi um kl. 23 laugardaginn 20. mars og stendur enn þegar þetta er ritað. Jarðeldurinn kemur í kjölfar mikillar skjálftavirkni undir Eyjafjallajökli undanfarnar þrjár vikur. Svipaðar hrinur jarðskjálfta hafa orðið undir Eyjafjallajökli frá árinu 1994 samfara landrisi. Ungar gosminjar hafa lengi verið þekktar á Fimmvörðuhálsi, þó jarðvísindamenn hafi greint á um aldur þeirra. Þó að minni jöklar á kuldatímabilum á nútíma hafi farið yfir þær eru þar heillegir gjallgígar og lítt rofin hraun sem ólíklegt verður að teljast að gætu staðist rofmátt ísaldarjökuls. Gos þessi hafa öll verið frekar lítil. Ekki er vitað hvort gosið hefur í jökli á sama tíma.

Lesa meira
Krummi krunkar úti

Hrafnaþing 24. mars: Villisveppir á barrnálabeði - sveppavertíðin 2009 - 22.3.2010

Guðríður Gyða Eyjólfsdóttir, sveppafræðingur hjá Nattúrufræðistofnun, flytur erindi sitt „Villisveppir á barrnálabeði - sveppavertíðin 2009“ á Hrafnaþingi miðvikudaginn 24. mars næstkomandi. Lesa meira

Málþing um Jarðminjagarða 24. mars í Salnum, Kópavogi - 19.3.2010

Málþingið „Jarðminjagarðar á Íslandi - Eldfjallagarður á Reykjanesskaga“ verður haldið í Salnum Kópavogi miðvikudaginn 24. mars næstkomandi. Það eru Jarðfræðafélag Íslands, Náttúrustofa Suðurlands, Náttúrustofa Norðurlands vestra, Náttúrustofa Reykjaness, Náttúrufræðistofa Kópavogs, Umhverfisstofnun og Náttúrufræðistofnun Íslands sem standa að málþinginu og er það öllum opið. Lesa meira
Snípufluga - Rhagio scolopaceus

Ársfundur Náttúrufræðistofnunar Íslands 2010 - 16.3.2010

Ársfundur Náttúrufræðistofnunar Íslands verður haldinn í Þjóðmenningarhúsinu föstudaginn 19. mars kl. 13:15 – 19:00. Lesa meira
Holugeitungur - Vespula vulgaris

Laussvæfir geitungar á útmánuðum - 15.3.2010

Borið hefur á því að geitungar hafi rumskað af vetrarsvefni nú á útmánuðum 2010 í meiri mæli en áður hefur vitnast en slíkt svefnrask hefur heyrt til undantekninga á þessum árstíma. Er einstök veðurblíða ástæðan eða er orsökin sú að óvenju margar drottningar bíða nú vorsins? Það mun væntanlega koma í ljós í sumar.

Lesa meira
Auðkenni Náttúrufræðistofnunar Íslands (IS), prentupplausn, 300 punktar.

Náttúrufræðistofnun skiptir miklu máli að mati mikils meirihluta þjóðarinnar - 5.3.2010

Það er ánægjulegt að geta sagt frá því að um 72,5% landsmanna telur að starfsemi Náttúrufræðistofnunar skipti miklu máli. Þetta kemur fram í athugun sem Capacent Gallup gerði fyrir Náttúrufræðistofnun í febrúarmánuði, samhliða venjulegum spurningavagni, og er sambærilegt við niðurstöður könnunarinnar undanfarin ár. Jón Gunnar Ottósson forstjóri Náttúrufræðistofnunar segist mjög sáttur við það traust og viðhorf til stofnunarinnar sem birtist í niðurstöðunum. „Það er mjög ánægjulegt að sjá þessar jákvæðu niðurstöður núna á þessum erfiðu tímum“ segir Jón Gunnar.

Lesa meira
Hveravotlendi

Hrafnaþing 10. mars: Flokkun og verndargildi gróðurs og landgerða á háhitasvæðum á Íslandi - 4.3.2010

Ásrún Elmarsdóttir, plöntuvistfræðingur hjá Náttúrufræðistofnun, flytur erindi sitt og Olgu Kolbrúnar Vilmundardóttur „Flokkun og verndargildi gróðurs og landgerða á háhitasvæðum á Íslandi“ á Hrafnaþingi miðvikudaginn 10. mars næstkomandi. Lesa meira